Қазақ ұғымында сал-сері дегенде көз алдымызға ат ерттеп, тазы ертіп, қолына қыран құсты қондырып, саятшылық құратын, өнерімен де халықты тамсантқан жанды келтіреміз. Сондай бір жанның бүгінгі бейнесі деп Ұлағат Ханзаданы атасақ жарасады. Ол – ақындық, журналистік қырларынан бөлек, ат ерттеп, тазы ерткен саятшының өзі. Ежелгі бабалар өмір салтын берік ұстанған жанмен «жеті қазынаның» бірі аталған асыл текті тазы тұқымы туралы кеңірек білу мақсатында сұхбат құрған едік.