Биыл Қазақстанда Цифрландыру және жасанды интеллект жылы деп жарияланды. Кейінгі жылдары елде мемлекеттік қызметтен бастап, банк жүйесіне дейін көптеген сала онлайн форматқа көшті. Адамдардың жеке мәліметтері де көбіне цифрлық жүйелерде сақталады. Сондықтан жаңа Конституция жобасында азаматтардың цифрлық ортадағы құқықтарын қорғау мәселесіне ерекше назар аударылып отыр.