Қазақстанның қарызы тарихи рекордқа жеткені айтылып жүр. Бұған Ұлттық банктің таяуда жариялаған есебі негіз болды. 2024 жылғы І тоқсан қорытындысында Қазақстанның сыртқы борышы 165,3 миллиард доллардан асқан. Фактчекке жүгінсек, бұдан жоғарғы рекордтық меже тек 2018 жылғы қаңтарда тіркеліпті: сонда сыртқы қарыз 167 млрд 482,7 млн долларды құрады. Бірақ бұл бәрібір жұбанатын жайт емес: мемлекеттік борыш бойынша 2030 жылға белгіленген шекке ел қазірден таяп қалды.