БҚО-да су тасқынының салдарын жою жұмыстары қарқынды жүріп жатыр. Сондай алдыңғы қатарлы аудандардың бірі – Сырым ауданы. Атақты батыр, қолбасшы, шешен Сырым Датұлының туған жерінде кеше ғана бір мезетте 100 отбасы үйлі болып, шашу шашылып, ақ дастарқан жайылып, халық мәре-сәре болды. Бұл қуанышты күні ауданға БҚО әкімі Нариман Төреғалиев пен «Қазақстан халқына қорының» төрағасы Болат Жәмішев барды. Аудан тұрғындарының қуанышына ортақтасқан тұлғалар елге қоныс құтты болсын айтты.