Кеше Мәжіліс Спикері Ерлан Қошановтың төрағалығымен жалпы отырыс өтті. Онда депутаттар 2025-2027 жылдарға арналған республикалық бюджет және Ұлттық қордан кепілдендірілген трансферт туралы заңдарды қабылдады. Сондай-ақ биржа саудасы мәселелері туралы заңды екінші оқылымда қабылдап, Қазақстанның аумақтық қорғанысы туралы заң жобасын ілеспе түзетулерімен бірінші оқылымда мақұлдады.