Жақында «ОнкоРенессанс – 2024» онкологтардың бірінші халықаралық ғылыми-практикалық мектебі аясында өткен баспасөз мәслихатында еліміздің бас онкологы, Қазақ онкология және радиология ғылыми-зерттеу институтының басшысы Диляра Қайдарова онкологиялық ауру жылдан-жылға жасарып бара жатқанын айтты. Мысалы, бұрын асқазан, ұйқы безінің қатерлі ісігі 60 жастан асқан адамдардан анықталса, қазір бұл дерт жастар арасында жиі кездесе бастаған.