Биыл Жамбыл облысының құрылғанына – 85 жыл. Ғасырға жуық уақытта аймақ дамудың даңғыл жолына түскені жасырын емес. Өндіріс өркендеп, кәсіпорындардың көкжиегі кеңейді. Әлеуметтің әлеуеті артып, тұрғындардың тұрмысы түзелді. Оны біз емес, 85 жылдық мерейтойға орай аймаққа арнайы ат ізін салған мәртебелі меймандар айтып, беделіміз бен абыройымызды тағы бір асқақтатты.