Әдетте қарттар үйіне ұяттан безген ұл-қыздар әке-шешесін тастайды деген түсінік қалыптасқан. «Шапағат» арнаулы әлеуметтік қызмет көрсету орталығы директорының орынбасары Шерхан Маратұлы мұны ескіден қалған стереотип деп санайды. «Ескіліктің көлеңкесінде қалған дүние болар. Соңғы жылдары қарттар үйіне өз еркімен келіп жатқан қария көп. Бірі – жалғыздықтан шаршаса, енді біреуі бала-шағасына масыл болғысы келмейді. Бір сөзбен айтқанда, қарттығын тыныштықта, жайлы жерде өткенін қалайды», – дейді ол.