Түркияда бесінші Анталия дипломатиялық форумы басталды. Бұл алаң – жай ғана жоғары деңгейдегі декларативті кездесу емес, ашық диалог пен ымыра іздейтін кеңістік. Қазақстан Президенті форумға Түркия Президенті Реджеп Тайип Ердоғанның жеке шақыруымен қатысып отыр. Мемлекет басшысы Қасым-Жомарт Тоқаев көшбасшылар панельдік сессиясы аясында сөз сөйлейді деп күтілуде. Ulysmedia.kz алдағы үш күнде Антальяда қандай мәселелер талқылануы мүмкін екенін сараптап көрді.