Балет әртісі әрі хореограф, Қазақ КСР Халық әртісі Болат Аюханов дүниеден озды. Мемлекеттік академиялық би театрының хабарлауынша, Болат Аюханов 85 жасында қайтыс болған. Қоштасу рәсімі Абай атындағы Қазақ ұлттық опера және балет театрында өтеді. Болат Ғазизұлы Аюханов 1938 жылы 13 қыркүйекте Семей қаласында туған. Ол А.В. Луначарский атындағы Мәскеу театр өнері институтының балетмейстерлік факультетін бітірген.