2026 жылғы 1 ақпаннан бастап Қазақстанда балалар мекемелеріне қатысты санитариялық-эпидемиологиялық қадағалаудың ерекше тәртібі енгізіледі. Бұл тәртіп кенеттен жүргізілетін тексерулерді, кеңейтілген өкілеттіктерді және нысандардың жұмысын уақытша тоқтатуға мүмкіндік беруді көздейді, деп хабарлайды Ulysmedia.kz. Бұл туралы Орталық коммуникациялар қызметінде өткен брифингте Денсаулық сақтау министрлігіне қарасты Санитариялық-эпидемиологиялық бақылау комитеті төрағасының орынбасары Марал Рахымжанова мәлімдеді.