Аңыз теннисші Новак Джокович (37 жас, Сербия) үшін Олимпиада ойындары осыған дейін сәтсіз болды. Теннисте ең көп рекорд жасаған спортшы 2008 жылы Пекин Олимпиадасында қола жүлдегер атанып, жеңіс тұғырына бір-ақ рет көтерілген еді. Лондон мен Токиода төртінші орын алса, Риода тіпті бірінші айналымнан өте алмады. Алайда Парижде Джокович соңғы арманын орындап, алтын алды! Тарихи финалды ulyssport.kz тілшісі тамашалады.