Мәжіліс «Жер қойнауы және жер қойнауын пайдалану туралы» кодекске өзгеріс енгізу туралы заң жобасын бірінші оқылымда мақұлдады. Депутаттар бұл салада айтарлықтай заңсыздықтар мен қайшылықтар бар екенін атап өтті. Еліміздегі жер қойнауларында лицензиясыз қазба жұмыстары көбейіп барады. Заңсыз игерушілердің әрекеті экологияға зиян келтіріп, заңды кәсіпкерлердің жұмысын тоқтатады. Бұл мәселелер қоғамда дау тудырып, жер қойнауын тиімді пайдалану мен мемлекеттік табыстың азаюына алып келуде.