Қостанай облысы тұрғындары әлеуметтік желіде дабыл қағуда. Қостанай облысының Жангелдин ауданы аумағынан өтетін Торғай – Шиелі – Мылысай автожолының бойынан түсірілген бейнежазбалар интернетке жүктелді. Онда жолды және оның айналасындағы аумақтарды басып алған шегірткелердің көп шоғырланғаны байқалады. Шегірткелер жолдағы және маңайдағы өсімдіктердің барлығын жойып, табиғи тепе-теңдікке қатер төндіруде. Видео авторларының айтуынша, жәндіктер тек ауыл шаруашылығына ғана емес, сонымен қатар жол қозғалысының қауіпсіздігіне де қауіп төндіріп отыр. Бейнежазбаларда шегірткелердің жол бетіне үймелеп, көлік қозғалысына кедергі келтіріп жатқаны көрінеді.
Жаңалықтар
