Израиль Газа секторындағы гуманитарлық аймақтағы нысандарға әуеден соққы берді. Израиль армиясы соққының Хан Юнис гуманитарлық аймағында орналасқан Хамас лаңкестік қозғалысының басқару орталығына берілгенін хабарлады. Сонымен бірге, Палестина құтқару қызметінің өкілі Франс Пресс агенттігіне Газа секторының оңтүстігіндегі Әл-Мавази гуманитарлық аймағына жасалған соққыдан кемінде 40 адам қаза тауып, тағы 60 адам жараланғанын хабарлады.