2022 жылдан бастап халықтың әлеуметтік осал топтарына жататын азаматтарға жұмыспен қамтуға жәрдемдесудің белсенді шараларын көрсету шеңберінде жаңа бизнес-идеяларды іске асыру үшін 39 763 грант берілді. Еңбек және халықты әлеуметтік қорғау министрлігі мәліметінше, гранттардың жалпы санының үштен бір бөлігінен астамын көпбалалы отбасылар алды. Соңғы үш жылда барлығы 38 мың грант беру жоспарланған болатын. Грант алушылардың санаттары бөлінісінде 16 734 грант көп балалы отбасыларға, 5 142 грант – мүгедектігі бар адамдарға, 3 498 – мүгедектігі бар балаларды тәрбиелеп отырған ата-аналарға, 1 611 – атаулы әлеуметтік көмек алушыларға, 1 024 – асыраушысынан айырылу бойынша төлем алушыларға, 11 754 – басқа санаттарға берілді.
2022 жылдан бастап бизнес-идеяларды іске асыруға 40 мыңға жуық грант берілді
Жаңалықтар
