Алматыда Панфилов көшесі Қабанбай батыр көшесінен Жібек жолына дейін абаттандырылады. Бұл туралы қала әкімі Ерболат Досаев мәлім етті. Айтуынша, жоба аясында көпжылдық бұталарды отырғызу есебінен жол бөлігі жаңартылып, жасыл аймақ ұлғайтылады. Сондай-ақ қолданыстағы шағын архитектуралық нысандар жаңартылады. Сонымен қатар, Жібек Жолы көшесінде тағы 1 модульдік полиция пункті орнатылады.