Алматының «Төменгі бесжылдығы» шағын ауданындағы жолдар тамыздың соңына дейін қалпына келтіріледі. Жоба бойынша барлығы 67 көше қамтылған, олардың дені асфальтталған. Алматы әкімдігінен атап өткендей, төменгі бесжылдықтың тұрғындарын сумен жабдықтау және кәріз желілеріне қосу бойынша үш жылдық жоба 2021 жылы басталды. Қазір жұмыс жоспарына сәйкес 115,5 мың метр су құбырының 100 мың метрден астамы және 32 мың метр кәріз желісінің 28 мың метрге жуығы салынды.