Астанада қазақ-неміс мектебі ашылады. Қасым-Жомарт Тоқаев бір жыл бұрын екіжақты ынтымақтастықты қамтитын оқу орнын құруды ұсынған болатын. Астанада қазақ-неміс мектебінің құрылысының басталуын білдіретін капсула салудың салтанатты рәсімі өтті. Іс-шара Германия канцлері Олаф Шольцтың Қазақстанға сапарына орайластырылып отыр және Қазақстан Президентінің 2023 жылы Германияға сапары барысында қабылданған шешімдердің бір бөлігі болып табылады.