Атырауда 3 жасар сәби көпқабатты үйдің терезесінен құлап кетті. Жедел жәрдем бригадасы зардап шеккен сәбиді облыстық балалар ауруханасына жеткізді. Бұл туралы әлеуметтік желі мен WhatsApp мессенджерінде видео тарады. Оқиға 16 қыркүйекте Атырау қаласындағы «Нұрсая» шағынауданында болған. Облыстық денсаулық сақтау басқармасының баспасөз қызметі бұл деректі растады.«Жедел жәрдем бригадасының көлігімен көпқабатты тұрғын үйдің терезесінен құлаған 3 жасар бала облыстық балалар ауруханасына жеткізілді. Науқастың жағдайы өте ауыр. Қазір ол аурухананың жансақтау бөлімінде жатыр», -деп таратты басқарманың баспасөз қызметі.
Жаңалықтар
