Мәжілісте өтіп жатқан Үкімет сағатында депутат Еділ Жаңбыршин мұнай компаниялары шығарындылардың автоматты мониторинг жүйесін орнатуға құлықсыздығын сынады. «2023 жылдан бастап 1 категориядағы 9 ірі мұнай компаниясы зияндаушы көздерге автоматтандырылған мониторинг жүйесін орналастыру қажет еді. Алайда, бүгінгі таңда тек 5 компания ондай жабдықты толық іске қосты. Екеуінде қосу жұмыстары жүріп жатыр, екеуі әлі іске қосқан жоқ. Атап айтсақ «Петро Казахстан Ойл Продактс» ЖШС, «СНПС-Ақтөбемұнайгаз» АҚ-ның Жанажол мұнайгаз өңдеу кешені», — деді ол.