Қазақстанда 100 жасаған және одан да үлкен жастағы 423 қарт бар. Олардың ең үлкені 114 жастағы кейуана Ұлытау облысында тұрады. Еңбек және халықты әлеуметтік қорғау министрлігінің баспасөз қызметінің мәліметінше ең көп өмір сүретіндердің саны бойынша көш бастап тұрған Түркістан облысында 100 және одан жоғары жастағы 64 адам бар екен. Екінші орында тұрған Алматы қаласында 100-ден асқан 48 адам бар. Үшінші орында Алматы облысы тұр, онда 100 және одан жоғары жастағы 38 адам тұрады.