Атышулы Хасан Қасымбаев сот шешімімен екі айға қамауға алынды. Бұлтартпау шарасын бүгін Қонаев қаласының соты қабылдаған. Жұрт «Хуторлықтар» қылмыстық тобының басшысы деп айыптаған Хасан Қасымбаев сенбіде ұсталған болатын. Ол талғарлық Шерзаттың өліміне қатысты емес, үш жыл бұрынғы өзге қылмыс бойынша тұтқындалған. Яғни 2021 жылы ережесіз жекпе-жек шебері Арман Әлімовті ұрып-соғуға, артынан ұрлауға тапсырыс берді деген күдікке ілініпті.