Жедел жәрдем енді тәулік бойы жұмыс істемеуі мүмкін. Еліміздің Денсаулық сақтау министрлігі алғашқы көмек көрсету жұмысына өзгерістер енгізбек. Бірақ жаңашылдықты түсінбей қалғандар көп. Негізінде қызмет көрсетуге жататын жеделдіктің 4 санаты бар. Біріншісі — шұғыл медициналық көмекті талап ететін, өлім аузында жатқан науқастар болса, төртіншісіне — адам өміріне қауіп төнбейтін созылмалы аурудың асқынуы, құсу, іш өтумен қатар жеңіл жарақаттар жатады. Қазір жедел жәрдем дәрігерлері төртеуіне де қызмет көрсетіп жүр. «Жедел жәрдемді сағаттап күтеміз» деген халықтың арыз-шағымы тікелей осыған байланысты дейді министрліктегілер. Оған қоса шығындарды да толық жаппайды екен.