Шығыс Қазақстан облыстық ауруханасында қайтыс болған донордың ағза мүшелері төрт пациентке сәтті трансплантацияланды. Денсаулық сақтау министрлігінің мәліметінше, 39 жастағы донордың миы жұмысын тоқтатқаннан кейін туыстары келісіп, ағзалары төрт адамға берілген. Донордың жүрек, өкпе және екі бүйрегі мұқтаж науқастарға берілген. Мәселен, 1977 жылы туған ер адамға жүрек, 1962 жылы туған әйелге өкпе, 2015 жылы туған балаға бүйрек, ал 1966 жылы туған әйелге екінші бүйрек трансплантацияланған.