Шымкент қаласының полиция департаментіне дау көтерген бір топ әйел, арасында еркегі де бар, баса-көктеп кіріп келді. Сөздеріне қарағанда, грант алып берем деген біреуге бар ақшасын ұстатып, алданып қалған. Алаяқ бір күйдірсе, аудандық полиция арызымызды қабылдамай жатыр деп одан сайын ашуға булығып келген беттері екен. Біз бұл жайтқа полиция департаментінде болған жиыннан шығып бара жатып, кездейсоқ кезігіп қалдық.