"Қыстың қамын жаз ойла". Мамандар тұрғындарды қыс түспей тұрып, көмір алып қоюға шақырды. Себебі ертең күн ыз етсе, оған деген сұраныс артып, салдарынан баға бірден көтеріліп кетуі ғажап емес. Әсіресе, көмір тапшылығы қатты сезілетін сала – жылыжай шаруашылығы. Өңірдегі қожалықтарды энергиямен қамтамасыз ету үшін 282 мың тоннаға жуық көмір қажет. Тапшылықты жою үшін Шұбаркөл көмір Акционерлік қоғамы арқылы арнайы жылыжай кешендеріне 150 мың тонна қатты отынмен қамтамасыз етпек. Ал, қазір Түркістан облысы бойынша қоймаларда 126 мың тоннаға жуық көмір бар. Бұл туралы бүгін Түркістан облысының энергетика және тұрғын үй коммуналдық шаруашылық басқармасы өткізген «Халықты және коммуналдық-тұрмыстық секторды көмірмен қамтамасыз ету» туралы брифингінде айтылды.