Өткен жылы 1414 Бірыңғай байланыс орталығына 30 миллионнан астам қоңырау түскен. Бұл 2022 жылмен салыстырғанда 24% - ға артық. Азаматтар тарапынан төлқұжат пен жеке куәлік алу, жүргізуші куәлігіне өтініш беру, баланың тууы мен күтімі бойынша жәрдемақы тағайындауға қатысты сұрақтар жиі қойылған. Айта кетсек, еліміз бойынша 7 қалада орталықтың кеңселері бар, ол жерде 500-ден астам оператор жұмыс істейді. Олар мемлекеттік қызметтер, eOtinish жүйесі, құқықтық мәселелер бойынша кеңес береді. Бұдан өзге, орталық міндетті әлеуметтік медициналық сақтандыру және медициналық көмек алу бойынша сауалдарға жауап бере алады.