Батыс Қазақстанда су тасқынынан зардап шеккен 481 отбасына 89 млн теңгеге бір реттік төлем берілді. Бұл туралы вице-премьер Нұрлан Байбазаров мәлімдеді. Су тасқыны басталғалы бері облыста 3700-ге жуық тұрғын эвакуациялық орталықтарға орналастырылды. Бүгінде олардың 2700-і үйлеріне оралды. Қалған мыңнан аса адам 13 эвакуациялық пунктте орналастырылып, азық-түлік пен қажетті медициналық көмекпен қамтылған.