Еліміздегі екі мегаполисте 3 ірі есірткі зертханасы анықталды. Аталған қылмыстарды жасады деген күдікпен Қазақстанның 8 азаматы ұсталып, сот санкциясымен қамауға алынған. Тінту барысында 93 келіден аса синтетикалық есірткі, кристалдану сатысындағы 70 литр мефедрон, сондай-ақ 255 келі прекурсор мен зертханалық жабдықтар алынды. «Қара» нарықта тәркіленген есірткінің құны 2 млрд теңгеге жуық. Бүгінде Қылмыстық Кодекстің 297-бабы бойынша сотқа дейінгі тергеу жүргізілуде.