Түркістан облысында 300-ден астам мопед пен электроскутер жүргізушілері жауапқа тартылды. Олардың арасында 16 жасқа толмаған 13 жасөспірім бар. Тәртіп бұзғандардың ата-анасы мен заңды өкілдері де әкімшілік жауапкершілікке тартылды. Тексеру барысында тәртіп сақшылары электр мопедті 18 жастан асқандарға ғана тізгіндеп, жолдың оң жақ шетімен жүру керек екенін ескертті. Одан бөлек, арнайы бас киім мен жүргізуші куәлігі болуы керек.