Халықтың әлеуметтік осал топтарынан 400 мыңнан астам балаға мектепке дайындалу үшін материалдық көмек беріледі. Оқушылар мектеп формасымен және мектепке қажет керек-жарақтарымен қамтылатын болады. Биыл әр білім алушыға киім мен оқу құралдарын сатып алуға арналған қаражаттың ең төменгі мөлшері– 40 567 теңге. Барлық ақша аударымдары ата-аналардың карточкалық шоттарына жіберіледі. Жаңа оқу жылы қарсаңында жетім және ата-анасының қамқорлығынсыз қалған балалар, төтенше жағдайға тап болған оқушылар қаржылай көмек алады.