Соңғы 6 жылда тек 18 футбол клубын қаржыландыруға 200 млрд теңгеден астам қаржы бөлінген. Мұны Антикор мәлімдеді. Мәселен, «Самұрық-Қазына» Акционерлік Қоғамнан «Астана» футбол клубы 50,1 млрд «Барыс» хоккей клубы 48,9 млрд теңге демеушілік көмек алған. Қаржының көп бөлігі еңбекақы төлеуге, біржолғы төлемдерге жұмсалыпты. Дегенмен қаражатты игеру жоғары жемқорлық тәуекелдерін тудырып отыр. Одан бөлек, өз инфрақұрылымының болмауына байланысты клубтар жыл сайын алаңдар мен мұз айдындарын жалға алуға миллиондаған қаражат жұмсайтын болып шықты.