Ауа райының қолайсыздығына байланысты еліміздің 9 аймағындағы 42 учаскедегі тасжолдарда барлық көлік түріне шектеу енгізілді. Бірнеше аймақта оқушылар онлайн оқып жатыр. Ал Қарағанды облысының Шет ауданында тіпті табиғи сипаттағы төтенше жағдай жарияланды. Себебі елді аймақтағы күшті қарлы боран мен екпіні секундына 30 метрге жететін жел ғимараттардың шатырын жұлып әкеткен. Айта кетсек, қазіргі уақытта республикалық маңызы бар автожолдарды тазалауға 297 техника және 378 адам жұмылдырылды.