Адам саудасына қарсы күрес жұмыстары жалғасуда. Түркістан облысы Полиция департаменті мен еріктілер осымен екінші күн қоғамдық орындарда түсіндірме жұмыстарын жүргізіп жүр. Соның ішінде Теміржол вокзалы мен әуежайдағы жолаушыларға тақырыптық бейнероликтер көрсетіліп, дауыс зорайтқыш арқылы станцияның бүкіл аумағына адам саудасының қаупі туралы ақпарат айтылды. Облыстық перзентхана мен сауда кешендерін аралап, адам сату фактілерінің қандай көріністері болатынын түсіндірді. Бір тәулікте «116 16» сенім телефонының нөмірі бар 1000-нан астам жаднама таратылыпты. Айта кетейік, оған жеңіл жүріске тарту, қайыршылық сұрауға мәжбүрлеу, заңсыз бала асырап алу, адам ағзаларын заңсыз алу сынды фактілер жатады.