Бүгін Түркістан облысының Әділет департаментінің ұйымдастыруымен “Ашық есік күні” акциясы өтті. Азаматтардың құқықтық сауаттылығын арттыру мақсатында ұйымдастырылған шарада 80-ге жуық тұрғынға толық әрі нақты жауап берілді. Мұнда тұрғындарға алимент өндіріп алу, зейнетақы және жәрдемақы тағайындау, сондай-ақ зияткерлік меншік пен тіркеу қызметтері секілді әлеуметтік және құқықтық мәселелер бойынша түсіндірме жұмыстары жүргізілді. Сондай-ақ тұрғындар жерге кезекке тұру, баспана алу, жұмыспен қамтылу секілді ең өзекті тақырыптарда кеңес алды. Бұдан былай мұндай шаралар айына бір рет өткізіліп тұратын болды және тек қаламен шектелмей, 17 ауданды аралау жоспарда бар дейді ұйымдастырушылар.