Ата-бабамыз Ұлыстың ұлы күнін апталап, айлап тойлаған. "Отыз күн ойын, қырық күн тойын" деген теңеу де осыдан қалса керек. Қожа Ахмет Ясауи атындағы Халықаралық қазақ-түрік университетінде наурыз тойы тойланды. Жоғары оқу орнындағы ауқымды шарада Қазақстандағы ғылым қызметкерлерінің күні қатар атап өтілді. Сонымен қатар, 1500 студентке университет тарапынан ауыз ашар ұйымдастырылды.