«Ақжол» партиясының өкілдері сайлауалды үгіт-насихат жұмысын Қарағанды облысында жалғастырды. Тұрғындармен кездесіп, әлеуметтік мәселелерді тақылады. Ақжолдықтар алдымен өңірдегі ірі өндіріс орнында мамандармен кездесіп, сайлауалды тұғырнамасын түсіндірді. Қалалық аурухананың дәрігерлеріне де саяси ұйымның бағдарламасы кеңінен баяндалды. Кандидаттар ақ халаттылардың өтініш-тілектерін тыңдап, сұрақтарына жауап берді. Жиында еліміздің әлеуметтік-саяси мәселелері кеңінен талқыланды. Бизнес бастамалар, кәсіпкерлікті дамыту жайы қозғалды. Сапар соңында партия өкілдері қала халқымен кездесіп, сайлауалды бағдарламасын түсіндірді. Көпшіліктің сұрақтарына жауап беріп, ойларын ортаға салды. Үміткерлер еліміздің барлық өңірін аралауды көздеп отыр.