Соғыстың басталғанына 1 жарым жыл болғанына орай, АҚШ Украинаға жаңа көмек пакетін береді. Жуырда әскери және азаматтық қорғаныс пен құқық қорғау саласын жабдықтау үшін 1 млрд доллар берілмек. Киевке жұмыс сапарымен келіп, өз әріптесі Дмитро Кулеба және Президент Владимир Зеленскиймен кездескен Энтони Блинкен, Украина соғыста жеңіп, аяғына нық тұрғанша АҚШ қолдау көрсетуді тоқтатпайды деді. Сонымен қатар, АҚШ Президенті Джо Байден Конгресстен 2023 жылдың соңғы айларына 20 млрд доллар сұрапты. Ол ақша берілсе, Украинаға тағы қару-жарақ пен техника жөнелтілмек.