Ақтөбе облысы Шалқар ауданы білім бөлімінің басшысы 18,5 млн теңге пара алды деген күдікке ілінді. Қазір өңір бойынша Сыбайлас жемқорлыққа қарсы қызмет лауазым иесіне қатысты қылмыстық істі тергеп жатыр. Ол білім бөліміне қарайтын ұйымдардың басшыларына аудандық жалпы білім беретін орта мектептің директоры арқылы қызмет бойынша көмектесуге уәде беріп, қомақты қаражат алды деген күдік бар. Сот шешімімен білім бөлімінің басшысы мен аудандық мектеп директоры қамауға алынды.