Биыл 1 миллионға жуық адам жұмыспен қамтылады. Бұл туралы премьер-министр елдің әлеуметтік-экономикалық даму мәселелері жөніндегі кеңесте мәлімдеді. Әлихан Смайловтың сөзінше, оларға жұмыс - ұлттық жобаларды іске асыру, жаңа өндірістер ашу, шағын және орта бизнесті дамыту, жаңа жұмыс орындарын құру және вакансиялар есебінен берілмек. Сондай-ақ, биыл 4,4 млн адамды көтерілген әлеуметтік төлеммен қамтуға 4,6 трлн теңге бөлінді. Халықтың табысын арттыру мақсатында 3 млннан аса адамның жалақысы өсіп отыр. Кәсіпкерлер үшін жағымды жаңалық. Бизнеске қойылатын керексіз 10 мың талап алынып тасталды. Үкімет басшысының айтуынша, кәсіпкерлік саласында жаңа реттеуші саясат енгізіліп жатыр.