Мақтаарал ауданы халқының демографиялық өсімі жоғары. Қазіргі таңда өңірдегі көпбалалы аналар саны 11 мыңнан асып жығылады. Оған енді тағы 17 ана қосылды. Аудан әкімі Бақыт Асанов көпбалалы аналарға қошемет көрсетіп, «Алтын» және «күміс» алқа наградаларын табыс етті. Жыл басынан бері мақталы өңірде 44 ана "Алтын алқа", 156 ана "Күміс алқа" алған. Жалпы аудан бойынша 704 "Алтын алқа", 1410 "Күміс алқа" иегері бар. Бұдан бөлек, 88 ана "Батыр ана" атағын алып, 136 ана "Ана даңқы" ордендерімен марапатталған. Айта кетейік, елімізде "Алтын алқа", "Күміс алқа" наградаларымен марапатталған немесе бұрын "Батыр ана" атағын алған, І және ІІ дәрежелі "Ана даңқы" ордендерімен марапатталған көпбалалы аналарға табысына қарамастан ай сайын 6,4 АЕК көлемінде мемлекеттік жәрдемақы төленеді.
Жаңалықтар
