Жақсы істердің жаршысына айналған «Қолғабыс» қайырымдылық қоры бір топ арыстық кәсіпкермен бірлесіп қайырымды шараға мұрындық болды. Ізгілікке ұмтылған азаматтар 140 отбасына күнделікті ішім-жемге қажетті, әлеуметтік маңызы бар өнімдерден құралған азық-түлік қоржынын үлестірді. Қайырымды іске үлес қосқан кәсіпкерлер 7 тонна жоғары сортты ұн таратса, өз кезегінде қор тарапынан күріш, қарақұмық, май, макарон, ұзақ мерзімге сақтауға жарамды консервіленген өнімдер салынған азық-түлік себеті берілді.