Үкімет Астананың 2035 жылға дейінгі бас жоспарын бекітті. Жоспарда елорданың әлеуметтік, тұрғын үй-коммуналдық, көлік және энергетикалық инфрақұрылымын одан әрі дамыту жөніндегі қадамдар белгіленген. Тиісті қаулыға премьер-министр Әлихан Смайылов қол қойды. Бас жоспарды іске асыруға 2025 жылға дейін барлық қаржы көздерінен 6,3 трлн теңге инвестиция тартылған. Оның ішінде 4,3 трлн теңгесі - тұрғын үй құрылысына, 700 млрд теңге - инфрақұрылымдық жобаларға тиесілі.