Атырауда салынған бөгеттер тасқынға төтеп бере алмай жатыр. Қала маңындағы Ақжар ауылы тұсындағы жағалау бөгетінің 100 метрге жуық аумағын ағын су шайып кетті. Қазіргі уақытта бұл жерде нығайту жұмыстары жүріп жатыр. Алайда, ағыны қатты су бекітілген материалдарды түгел жайпап кеткен. Амалы таусылған жұрт суға арналған төсеніштер салып әуреге түсіуде. Оның өзіне судың тереңдігі кедергі келтіріп жатқан көрінеді.