«Ұлы дала елі» орталығында «Ауыл – мәдениеттің бастауы» атты ауылдық мәдениет үйлері мен ауылдық клубтар арасындағы облыстық байқаудың марапаттау рәсімі өтті. Айта кетсек, аталған байқау 2-13 қазан күндері аралығында Түркістан қаласында өткен болатын. Оған 160 мәдениет ошағы қатысуға өтініш білдірген. Мақсат–ауылдық мәдениет мекемелерінің жұмыс сапасын арттырып, қолдау көрсету және халық шығармашылығын дамыту. Облыстық мәдениет және туризм басқармасы мен облыстық мәдениет және халық шығармашылығы орталығының ұйымдастыруымен өткен байқаудың бас жүлдесін Сарыағаш пен Жетісай ауданының мәдениет мекемелері жеңіп алды.