Мемлекет басшысы Қасым-Жомарт Тоқаев Қытайда өтіп жатқан «Бір белдеу, бір жол» форумында сөз сөйлеп, бірнеше мәселелерді атап өтті. Ел президенті алдымен дәстүрлі қонақжайлығы мен форумды мінсіз ұйымдастырғаны үшін Төраға Си Цзиньпинге алғыс айтты. Қасым-Жомарт Тоқаев өз сөзінде Қытайдың жаһандық қауіпсіздікті қамтамасыз ету ісіндегі шешуші рөліне назар аударып, оны экономикалық және технологиялық дамудың локомотиві деді. Сондай-ақ, «Бір белдеу, бір жол» жобасының теңдессіз әрі ауқымды халықаралық ынтымақтастық үшін пәрменді платформаға айналғанына тоқталды.