Биыл Келес халық театрына 45 жыл. Бұл уақыт аралығында өнер ордасы біраз ауыртпашылықтарды бастан өткерді. Дегенмен жеткен жетістіктері де аз емес. Ғимарат былтыр ғана күрделі жөндеуден өтті. Сахна да, көрермен залы да жаңарды. Тіпті, заманауи технологиялармен жабдықталды. Бұл қызметкерлерге тың серпіліс берді. Былтыр мәдениет ошағының әртістері үшін жемісті жыл болды. «Мірдің оғы» сатира театрлары арасындағы республикалық байқаудан бас жүлдені қанжығаға байлады. Осылай кәсібилерден оқ бойы оза шауып, халық театры үздік атанды.