Батыс Қазақстан облысында 232 адам қауіпті аумақтардан эвакуацияланды. Орал қаласына қарасты Маштаково кентіне кіреберіс жолды су басты. Салдарынан 40 үй судың ортасында қалды. Өңірдегі жолдардың 21 бөлігінде тас жолды қарғын су шайып кеткендіктен, тұрғындар қауіпсіз жерге көшірілді. 80-ге жуық адам өз еркімен тума-туыстарының үйін паналады. Аймақта 12 елдімекенмен көлік қатынасы үзілді. Әзірге 5 үйден ғана су сорылып бітті, әлі 40 үй судың ортасында тұр.