Білім саласында соңғы 3 жылда 300-ден астам жемқорлық фактісі анықталып, 200-ге жуық адам әшкереленді. Қылмыстың басым бөлігі Шымкент қаласы, Түркістан, Қызылорда және Шығыс Қазақстан облыстарына тиесілі. Алдын ала зерттеу нәтижесі бойынша қаражатты ұрлау бюджеттік өтінімдерді қалыптастыру сатысында жүзеге асырылатын көрінеді. Оқу саласындағы сыбайлас жемқорлық салдарын азайту үшін орта білім беруді қаржыландыру кезінде жемқорлық тәуекелдеріне сыртқы талдау жүргізілмек.